27 de xaneiro de 2021

Reunión do clube de lectura de 3º de ESO

 

 

O venres 15 de xaneiro tivemos a primeira reunión do club de lectura de 3º de ESO. Tivo que ser telemática, polo dichoso virus, pero non nos queda outra.

A nosa primeira lectura foi O CORAZÓN DE XÚPITER, dunha das vosas escritoras favoritas, Ledicia Costas. Todos coincidimos en que foi unha lectura dura pero gratificante. Ledicia Costas toca temas que lamentablemente non deixan de ser actualidade: a pederastia, o acoso escolar, o engano… Pero tamén teñen presenza a amizade e o amor.

Animádevos a lelo!

 

                                               


7 de xaneiro de 2021

Novas do Clube

 CLUBE DE LECTURA 

BIBLIOMACÍAS

NOVAS

GRUPOS DE LECTURA

Xa están establecidos os grupos do clube de lectura, que quedan como segue:

- Grupo de 1º e 2º ESO a cargo do profesor Xesús López Carreira.

- Grupo de 3º e 4º ESO a cargo da profesora Isabel Mouriño Botana.

- Grupo de 1º de Bach. a cargo da profesora Lourdes Lema Porteiro e do profesor Miguel Ángel Prieto.

                              


CONVOCATORIA  DE AXUDAS

- A Consellería concedeu 925 euros de axuda a Biblioteca para incentivar a lectura a través do Clube de lectura.

 

CONCURSO DE MICRORRELATOS MICROMACIATOS NAMODEADOS 


MICROMACIATOS NAMODEADOS

            Propoñémosvos un concurso de micro-relatos encadeados. Consiste na creación de pequenos relatos a partir dunha oración ou frase dada.

A partir dunha oración ou frase que vos proporemos, teredes que crear o 1º micro-relato.

1)       De entre todos os relatos presentados, o profesorado de LG e o equipo da Biblioteca seleccionará tres. Deses textos seleccionados,  o alumnado participante escollerá o que considere o mellor.

2)      O segundo relato terá como frase ou oración de inicio aquela coa que remate o primeiro relato seleccionado. O terceiro relato comezara coa frase ou oración que  remate o segundo seleccionado, e así sucesivamente ata o relato que peche o concurso.

3)      Os relatos deberán subirse en prazo e en formato PDF á aula virtual de LG do curso da/do participante ou da Biblioteca.

4)      Os relatos deberán estar en galego e a selección do gañador ou gañadora  de cada fase farase atendendo á creatividade do texto, así como á corrección formal do mesmo.

5)      Establécense dúas categorías, unha para o alumnado de 1º e 2º de ESO e outra para o alumnado de 3º e 4º.

6)      Unha vez rematadas as fases do concurso, as/os integrantes do equipo da Biblioteca do IES escollerán, entre os relatos seleccionados en cada unha delas, o relato gañador do concurso.

7)       Os relatos  seleccionados en cada fase e os gañadores  publicaranse no blog da Biblioteca do IES Macías o Namorado.

8)      Os relatos deberán manter o seguinte formato:

a)      Letra “Calibrí” tamaño 12.

b)      Como encabezamento, na primeira liña e centrado na mesma, en letras maiúsculas e subliñadas, un título relacionado co contido do relato.

c)       Na segunda liña comezará o relato coa frase ou oración proposta como inicio (en letra negriña),   e a continuación desta, na letra establecida, o relato.

d)      O relato terá unha extensión dun mínimo de 100 palabras e un máximo de 150, para o que se contará a frase de inicio pero non o título.


                        


 

FORMA DE PRESENTACIÓN DO RELATO:

 

                                                        TÍTULO DO RELATO

Oración ou frase de inicio do relato e texto do relato...

BANDA DESEÑADA

 Xa temos na Biblioteca O Pacto de Letargo, a última publicación de Miguelanxo Prado, un libro apaixonante que te sorprenderá. Achégate á Biblioteca e descobre un dos mellores debuxantes recoñecidos na nosa terra e fóra dela.


Tamén temos outros títulos que podes ler cando queiras: