Clube de Lectura de 3º de ESO

As rapazas do 3º de ESO mergulláronse este trimestre no libro  Mentira de Caré Santos.

A historia trata de Xenia, unha moi boa estudante que  namora de Marcelo, un rapaz ao que coñece por internet. Ela quere saber cousas del e comeza a investigar… Agárdaa unha sorpresa non moi agradable: nin a foto nin o nome do seu namorado son reais. Quen é en realidade o rapaz do que namorou?   Un paquete que lle envían desde o  correccional de menores vai aclarar todo.

Moitas grazas ás nosas lectoras. 

 

 

Macías, o poeta namorado

Este ano celebramos o Día dos Namorados achegándonos á figura do trobador Macías, que nunca renunciou ao seu amor, mesmo que lle custase a vida. No seguinte vídeo podedes ver algunhas das actividades que se fixeron.

Este venres, 11 de marzo entregaremos os premios aos gañadores do concurso Canto sabes de Macías?

Non vos esquezades de pasardes pola biblioteca! Moitas grazas a todas e a todos por participardes!