18 de decembro de 2015

HISTORIA DO MEU CORPO EN LABARADAS

Hoxe mércores, 16 de decembro a nosa biblioteca acolle entusiasmada a presentación do novo libro da nosa compañeira Rosa Enríquez, Historia do meu corpo en labaradas.

O libro fala do coñecemento e o recoñecemento da nosa corporeidade, de como o corpo que somos vese sometido a xuizo,  non só alleo senón tamén propio. Hay  neste libro, ademáis,  outro corpo que se declara en labaradas porque pretende explorar máis aló de si mesmo.

É, coma sempre,  un pracer escoitar falar a Rosa e disfrutar coa lectura da súa poesía.




Aquí podedes ler un fermoso artigo publicado por Teresa Moure en praza.gal sobre a obra de Rosa.

16 de decembro de 2015

MERCADIÑO SOLIDARIO DE NADAL


Como en anos anteriores, a biblioteca organiza de novo este Nadal un mercadiño solidario de libros, que se está a celebrar na entrada do centro desde o día 1 de decembro. A recadación obtida será destinada aos bancos de alimentos da comarca do Sar.

No mercadiño podedes atopar libros e libros para tódolos gustos
Achégate a visitarnos, poderás atopar libros e libros para tódolos gustos. Que mellor agasallo para este Nadal!!

BO NADAL A TODOS E TODAS!!




11 de decembro de 2015

A NOSA HOMENAXE A NEIRA VILAS

 Acto de homenaxe a Neira Vilas celebrado no noso centro o 2 de decembro de 2015

A NOSA HOMENAXE A NEIRA VILAS on PhotoPeach

1 de decembro de 2015

Homenaxeamos a Neira Vilas

O pasado venres recibimos a triste nova do pasamento de Neira Vilas. Con el foronsenos o Balbino, as historias da emigración, un pasado que se nos presenta cheo de autenticidade e sobre todo, fóisenos un home cheo de humanidade que nunca quixo deixar de falar á xuventude na nosa lingua.

Moito se ten escrito estes días sobre a súa figura. Nós seleccionamos este artigo de Montse Dopico que cremos será do voso interese para que vos adentredes na súa vida e na súa obra.

Este mércores 2 de decembro o noso centro homenaxeará a Neira Vilas nun acto no que se lerán poemas e textos que lembren a este importante humanista. Representantes de toda a comunidade educativa participarán neste evento do que daremos contas na vindeira entrada.

10 de novembro de 2015

DIA INTERNACIONAL DA BIBLIOTECA ESCOLAR 2015

O pasado luns 26 de outubro celebrouse o Día Internacional da Biblioteca Escolar. 

Como todos os anos o alumnado de 1º de ESO e 1º de Ciclos medios, novos no noso centro, baixou a coñecer en detalle o funcionamento da súa biblioteca mediante un xogo de busca ao que chamamos"Coñece a túa biblioteca", que realizaron con entusiasmo.
Noraboa e grazas a tod@s!!

2 de outubro de 2015

BENVID@S AO NOVO CURSO. EXPLORANDO DESDE A BIBLOTECA

Comezamos un novo curso e a biblioteca do instituto continúa a súa andaina.. Benvid@s!!!
Neste curso 2015/16 as bibliotecas escolares de Galicia convírtense en bases de exploración!!
A biblioteca escolar pode ser a base desde a que explorar o mundo real, pero tamén os mundos imaxinarios.
O lema escollido para este curso ,"Biblioteca escolar, base de exploracións", chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. 
A nosa biblioteca  está a dar vida ao lema organizando unha exposición," Viaxa a través da nosa biblioteca",  que convida a explorar o mundo. Pasade, pois, e explorade...

 

6 de maio de 2015

MERCADIÑO SOLIDARIO DE LIBROS


De novo este ano, a biblioteca organizou unha serie de actividades enmarcadas no Mes do Libro e as Letras. Dentro de estas actividades está o Mercadiño Solidario de Libros que tedes instalado na entrada do centro, co material aportado por todos nos. Animámosvos a achegarvos  ata el nos recreos e contribuir á recadación de fondos.




29 de abril de 2015

CENTENARIO DA PUBLICACIÓN DE A METAMORFOSE de KAFKA


A novela A Metamorfose, do escritor de orixe xudea Franz Kafka (Praga, República Checa 1883 - Austria 1924), considerada unha das obras máis influíntes do autor, cumpre un século. Kafka redactou o libro en apenas 20 días, entre el 17 de noviembre y el 7 de diciembre de 1912.
A novela, dotada de rasgos fantásticos e surrealistas, narra a historia dun home, Gregorio Samsa, cheo de soños e ilusións, obrigado a traballar de comerciante nunha empresa para manter aos seus pais e a súa irmá. Sempre pensando nun  futuro máis esperanzador, Gregorio esperta unha mañán convertido  nun insecto.
 

Franz Kafka titulou a súa narración Die Verwandlung, cuxa tradución literal é A transformación. Era un tipo extremadamente meticuloso, obsesivo mesmo, coa utilización das palabras, interesáballe a súa precisión e que dixesen exactamente o que din. Así que non utilizou o termo Metamorphose, que tamén existe en alemán e que acouta o significado máis xeral de "transformación" ao referilo especificamente ao cambio que se produce cando os seres humanos se converten en animais, plantas, mananciais, etcétera.
"Eu traducín o libro de contos cuxo primeiro título é A transformación, e nunca souben por que a todos lles deu por poñerlle A metamorfose", explicou Jorge Luis Borges nunha entrevista publicada no PAÍS o 3 de xullo de 1983. "É un disparate. Eu non sei a quen se lle ocorreu traducir así esa palabra do máis sinxelo alemán. Cando traballei coa obra, o editor insistiu en deixala así porque xa se fixera famosa e se lle vinculaba a Kafka".
No terceiro volume das obras completas de Kafka que publicou Galaxia Gutenberg, explícase nas notas que o título procede seguramente dunha precoz tradución (anónima) que se fixo da narración en 1925 en Revista de Occidente. Foi aí onde se titulou A metamorfose. 


Dende a biblioteca animámosvos á lectura desta apaixoante novela e a visitar a exposición que temos  instalada sobre A Metamorfose e Fanz Kafka.




 

23 de abril de 2015

Día do Libro 2015

Como cada ano, a biblioteca levou os libros e a lectura a todos os espazos do centro para celebrar o Día do Libro.
O alumnado do centro colaborou na elaboración de cartaces para animar á lectura, que foron colocados na entrada do noso centro nunha orixinal exposición de libros centrada este ano no Quixote e os libros de cabalerías.

 DIA DO LIBRO 2015 on PhotoPeach

22 de abril de 2015

VISITA DE PEDRO FEIJOO

O pasado xoves 15 de abril, como anticipo á celebración do Día do Llibro, recibimos na nosa biblioteca a visita de Pedro Feijoo, que presentou ao alumnado de 1º de Bacharelato e do Club de Lectura de Segundo Ciclo a súa novela A memoria da choiva. Escollemos esta obra pola súa trama trepidante de novela negra coa poesía de Rosalía  e a síua fundación , en Padrón,  como pano de fondo. A idea pareceunos xenial e a lectura da obra resultoulles apaixoante.
Nas  páxinas da súa novela atopamos, ademáis, un retrato ben irónico da cultura literaria galega e das súas institucións.

A conversación con Pedro foi un auténtico agasallo para todos nos. Pedro destripou as entrañas da súa obra e do seu proceso de escritura e respondeu a todas as cuestións relacionadas coa mesma durante case dúas horas, que quedáronse curtas.



VISITA DE PEDRO FEIJOO on PhotoPeach

16 de marzo de 2015

Paula Antía Rey gaña o MINERVA 2015

     O pasado xoves día 12 de marzo, reuniuse o xurado encargado de fallar os Premios Literarios Minerva na súa XLIII edición, presidido por D. Manuel Quintáns Suárez e D.Luís Alonso Girgado nas modalidades de narración e poesía respectivamente.


    Entre un total de 167 traballos presentados, 122 na modalidade de narración e 45 na de poesía, resultaron finalistas 34 narracións e 21 triloxías poéticas. Deste conxunto de obras, o xurado acordou outorgar o Primeiro Premio na modalidade de poesía a Paula Antía Rey Baliña, alumna de Segundo de Bacharelato no noso centro.  Un ano máis recibimos con entusiasmo esta extraordinaria noticia, despois do segundo premio acadado por Paula na convocatoria do pasado ano.
Parabéns, Paula!
 Aquí podedes volver a ler a entrevista que os compañeiros e compañeiras de Paula no Club de Lectura lle fixeron con motivo dos distintos premios que recibiu o pasado curso.

9 de marzo de 2015

8 de marzo. DÍA DA MULLER TRABALLADORA.

O 8 DE MARZO celébrase o día da muller traballadora. Este día foi instaurado en 1917 por Nacións Unidas e según a versión máis extendida, conmemora os sucesos ocurridos en 1908 en Nova Iork, cando un grupo de costureiras industriais se declararon en folga para protestar polas súas condicións laborais pedindo aumento dos salarios e a reducción da xornada laboral. Durante esta folga 129 mulleres morreron queimadas nun incendio na fábrica Cotton Textile Factory, provocado polos donos da fábrica.


Hoxe en día, o 8 de marzo convertiuse nun día de reivindicación por unha igualdade real entre homes e mulleres nos ámbitos laboral, social e político.

Para conmemorar o 8 de marzo, a biblioteca instalou unha exposición na entrada do centro que incluía unha selección de libros e audiovisuais sobre mulleres, prestando especial atención as mulleres matemáticas, dada a temática deste curso nas bibliotecas escolares. Ademáis expuxemos un gran número de biografías de MULLERES QUE FIXERON (E SEGUEN A FACER) HISTORIA, e a presentación 8 de marzo. Un día especial, que recolle a historia deste día e da loita feminista e sufraxista.

O alumnado participou no concurso "ELAS", buscando información na biblioteca e na exposición que lle permitise relacionar biografías de mulleres co seu nome.

  8 de marzo. DÍA DA MULLER TRABALLADORA. on PhotoPeach

18 de febreiro de 2015

FELIZ DÍA DO AMOR


Chega febreiro e volve San Valentín. Como cada ano, aproveitando o fermoso nome do noso centro, adicamos este mes ao amor.
Temos unha exposición de literatura e cine na entrada do centro, xunto cun buzón donde podedes depositar as vosas cartas de amor. As mellores cartas serán agasalladas con amorosos premios.

Mes do AMOR 2015 on PhotoPeach

12 de febreiro de 2015

DÍA DA PAZ E A NON VIOLENCIA.



Có gallo da celebración do día Internacional da Paz e a Non Violencia, o 30 de xaneiro, a biblioteca organizou unha serie de actos conmemorativos ao longo de varios días.
Instalamos unha ampla exposición na entrada do centro cun Decálogo para medrar na Paz, unha mostra dos distintos lugares do mundo donde existen conflictos armados, unha selección de lecturas e audiovisuais sobre o tema da Paz e unha aproximación aos galardoados co Premio Nobel da Paz, todo elo xunto a distintos lemas de paz elaborados polo alumnado do centro.

Tamén asistimos ao acto público celebrado na Casa de Rosalía en Padrón, organizado polo Seminario Galego de Educación para a Paz para escolares da nosa bisbarra

Por último, organizamos unha charla sobre a paz na convivencia diaria para todo o alumnado de ESO, a cargo de Manuel Dios, coordinador do Seminario Galego de Educación para a Paz.

Aquí queda a información gráfica das nosas actividades


 
DIA DA PAZ 2015 on PhotoPeach