Premios do concurso de micropoemas

Grazas a todos e a todas polas vosas aportacións ao Concurso da Botica das palabras. Grazas tamén á profesora Rosa Enríquez pola súa colaboración. Aquí están o primeiro e segundo premios de cada categoría, tamén os accésits, que consideramos merecedores de figurar.

A sinxeleza

            Abre as palabras por dentro

garda a semente e a beleza.

Por iso ti – ao falares tan limpo –

tes a flor do lirolai no peito.

            Asombras ás nubes.

 Rosa Enríquez

Categoría A (1º e 2º ESO)

1º PREMIO: Lucía Castro Oliveira (1º B) 

As cinzas do pasado,

dos recordos queimados, 

nestre intre están calados.

2º PREMIO: Carlota Gómez Basadre (1º B)

En mis noches de insomnio,

altas están las estrellas;

en mis noches en vela,

la nieve cae

y arde el fuego a mi vera.  

Categoría B (3º, 4º ESO, 1ºBac) 

1º PREMIO: Paula Antía Rey Baliña (4º ESO)

Pasear

polo  teu sangue.

Atopar abismos

de incontinencia

verbal. 

 2º PREMIO: Brais Castaño (1º Bac)      

Eternidad amargada

sonaba triste , apagada

la mañana se abre,

existo.

Mujeres felices en la playa,

pájaros sumergiéndose.

La tarde se apaga,

existo.

Eternidad insomne

tú, eterna, feliz y suave

me haces sentir que

existo. 

Categoría A

Accésit: David Vidal Miguéns (1º B) 

Sei que existes,

espero e espero,

pero sempre chegas tarde.

Categoría B

Accésit: Andrea Forján Miguéns, Martín Rubines Miguéns y Xulia V. Gil Miguéns (1º Bac)

Existencia rota

nunha tarde imposible

na que sempre espero

a importante lembranza

daquela néboa azul.

Accésit: Mariña Amo Seco e Andrea Iglesias Pérez (1º Bac)

Pasan as tardes amargas

contemplando ese aleteo

daquelas bolboretas claras

tecendo unha luz no ceo.

Pasan as tardes eternas

recordando aquel pasado

cheo de voces de nenas

aquel recordo apagado.

Pasar as tardes tempradas

facendo a espera da noite,

muller de cara dourada,

nai que ilumina esa noite  

A Botica das Palabras. Crea o teu micropoema

Para celebrar o Día da Poesía, o IES Macías o Namorado propón que vos deades unha volta pola botica que durante toda a semana está a vosa disposición na biblioteca con variados remedios que podedes ler nos envases (para o mal de amores, para os luns, para a alerxia primaveral...) e dentro dos cales atoparedes a mediciña: os poemas que sanan

Ademáis, se queredes participar no concurso que vos propoñemos, ollade o que segue:

 En cada un dos envases atoparás un poema que ten unha ou varias verbas resaltadas. Con todas ou algunha das verbas que atopes crea un breve poema (micropoema), escríbeo aquí e deposítao na nosa caixa botiquín.

Atoparás palabras en galego e castelán, que poderás traducir para escribir o poema en calquera das dúas linguas. Tamén podes modificar algo as palabras (os tempos verbais, o xénero, o número, etc...)e engadir nexos e determinantes.

Os mellores poemas recibirán un agasallo sorpresa.  

 


              

Goretti Sanmartin: Muller e Lingua

Profesora titular de Filoloxía Galega e Portuguesa na Universidade da Coruña e directora do Servizo de Normalización Lingüística de dita universidade, Goretti Sanmartín falou para o alumnado de bacharelato e outos niveis sobre o emprego do galego, desigual entre homes e mulleres, os motivos que poden estar na orixe do feito, e os estereotipos que a sociedade segue a ter sobre os falantes da lingua galega e os da lingua castelá. 

Asegurou que a muller, nos casos de bilingüísmo, emprega menos o galego que os homes, e que hai unha franxa de idade, que di estar entre os 20 e os 45, na que se aprecia este feito moito máis. 

Citando a varios escritores e escritoras, constatou esta afirmación facendo fincapé en como nas súas obras xa insistían na chamada ás mulleres para que empregaran o galego como lingua habitual; o que, según a profesora, evidencia que os homes, que non son interpelados, si a utilizaban.

Á exposición seguiu un pequeno coloquio no que os asistentes puideron preguntar e comentar as súas opinións.

Obradoiro de poesía

O alumnado de 4º de ESO asistiu esta semana a un obradoiro de poesía impartido pola poeta Estíbaliz Espinosa. A biblioteca foi o recinto elexido pola profesola de Galego, que organizou esta actividade,  para iniciar ós seus alumnos e alumnas no mundo da poesía.

A escritora Núria Pradas no Macías

O alumnado do Club de Lectura asistiu a un encontro coa escritora, e antes profesora, catalana Nuria Pradas despois de ler un dos seus libros centrados no mundo dos exipcios, Heka, un viaje mágico a Egipto.

Durante unha hora que soupo a pouco, os alumnos e alumnas preguntaron todo aquelo que un quere saber cando ten diante a alguén que vive da literatura: se iba continuar a triloxía que empezara con este libro, se se inspirara en personaxes reais, se botaba de menos o ensino... E a que non podía faltar: "Que consello lle darías a alguen que quera ser escritor?" Ao que ela contestou:" Formarse, ler moito e , sobre todo, paciencia, paciencia , paciencia.."

A escritora, antes de partir , asinou no libro de honra da biblioteca e deixounos un exemplar coas súas verbas.

Esperamos que este non sexa o derradeiro encontro con creadores de historias; queremos invitar a poetas, contacontos, periodistas... en fin , a quen teña que ver co mundo da cultura ou da comunicación.

Paciencia, paciencia, paciencia...

Como chove miudiño

No 150 aniversario de Cantares Galegos, o IES Macías o Namorado súmase ós actos conmemorativos co recitado de poemas da escritora. Desde o pazo de Hermida de Lestrobe, as alumnas deste instituto lembran a Rosalía.

150 anos de Cantares galegos

Cúmprense este ano os 150 da publicación de Cantares galegos, a obra de Rosalía de Castro que serviu para nomear o 17 de maio Día das Letras Galegas, tomando a data da dedicatoria que nel figura; e os actos conmemorativos sucédense na nosa Comunidade.

O noso instituto non podía ser alleo a este evento, e,  á exposición que o departamento de Normalización Lingüística nos invita a visitar na entrada do Centro, únese a actividade programada para o martes 26 de febreiro, un Roteiro Rosaliano seguindo a pegada da autora polos lugares da súa vida e obra en Padrón: casa onde nasceu, Pazo de Arretén, cemiterio de Adina...

Bó momento para acercarse á Casa Museo, aínda que só sexa virtualmente.

Tamén hai boas historias (Actividade en proceso)

Porque  non todo van ser desgracias, corrupción ou desemprego, porque a vida tamén se nutre de pequenas cousas que nos fan sorrir, porque somos un pobo optimista que non se achanta, porque saímos á rúa aínda que chova e porque preferimos gañar con verbas antes que con armas... Por iso estamos a preparar unha actividade na que todos seremos protagonistas, na que ti e a túa historia feliz seredes quen de contaxiar os demais un chisquiño de ledicia que lles faga esquecer , aínda que só sexa por un intre, o desacougo.

Cando a actividade estea rematada, poderás vela tamén aquí. Alá vai un adianto:

O importante nesta vida e ter os pés quentes e patacas no faiado    

Digo Viet Nam e basta, de Celso Emilio Ferreiro

Desde a Biblioteca queremos poñer un graíño contra a guerra, contra a violencia e o odio poñendo de manifesto algúns dos lugares que hoxe están inmersos nun conflito bélico.
Podedes ver a exposición na entrada do instituto do traballo feito polo alumnado de 3ºC .
Este é o poema de Celso Emilio que tomaron como punto de partida.




 








DIGO VIET NAM E BASTA
Digo bomba de fósforo.
Apenas digo nada.

Digo lombriga e larva
de carne podrecida.

Digo nenos de napalm,
terror de noite e selva,
fedor de cidade e cloaca.

Fame, suor, aldraxe,
pugas de aceiro, antropofaxia.

Digo guerra bestial,
tremor de terra, crime, lume, lava,
estoupido, verdugo
e mortandade en masa.
Digo gas abafante.

Apenas digo nada.
Digo yanqui invasor,
depredador de patrias.

Digo plutonio, pentágono,
esterco bursátil, palanca.
Presidente, gadoupa,
chuvia, amargura, baba.

Digo petróleo, ferro,
mineral, trampa,
lobo, caimán, polaris, cóbrega,
miseria, diplomacia.
Digo devastación que USA, usa.

Apenas digo nada.
Digo Viet Nam i está xa dito todo
cunha soa palabra.

Para abranguer a vergonza do mundo,
digo Viet Nam e basta. 

E tamén 
Digo Palestina e basta
Digo Sahara e basta
Digo Tíbet e basta
Digo Mali e basta
Digo Chile (etnia Mapuche) e basta
Digo Paquistán e basta
Digo Siria e basta
Digo...
Digo Guerra e digo BASTA on PhotoPeach

Visita á Cidade da Cultura

O pasado 20 de decembro, o Club de Lectura visitou a Cidade da Cultura na que asistiu non so ao percorrido polas instalacións, senon tamén a dúas exposicións: Gallaecia Petrea e Códices. 

Cinco alumnas de 1º de bacharelato fixeron un traballo sobre o que viron, que se resume nun folleto que poderedes atopar xunto coa reportaxe fotográfica que faremos no instituto proximamente. Isto que aquí tedes é obra de Ángela Precedo, Andrea Forján, Isabel Antelo, Xiana Rodríguez e Yanina Iglesias.

Reunión do club de lectura

O día 23 reunirémonos na biblioteca cos alumnos de 3º e 4º de ESO. Lembrade que o libro que trataremos é O club da calceta, de María Reimóndez.
Esta escritora , xunto  con outros, é membro da ONG Implicadas/os no desenvolvemento, e isto é o que din:
Implicadas/os no Desenvolvemento é unha ONG galega que leva dez anos cambiando o mundo dende Galicia. Na filosofía Implicadas defende:

- Que a cooperación ao desenvolvemento comeza cambiando as estruturas de explotación entre o Norte e o Sur e entre homes e mulleres.

- Que o cambio ten que acontecer dende Galicia abrindo vías para que a cidadanía poida participar na presión mundial para o cambio.

- Que non se pode falar de desenvolvemento cando o 50% da poboación vive en situación de discriminación e por iso traballamos para superar primeiro a discriminación que padecemos as mulleres.

Que ocurriu este ano que rematou?

Se tes interese en sabelo, preme na fotografía e verás o que o periódico El País selecionou.

BO NADAL A TODOS E TODAS

Xa están aquí as merecidas vacacións de Nadal despois de exames, exames e máis exames. Collede aire e relaxádevos na compaña dun libro. Desde a biblioteca queremos desexarvos un feliz Nadal e o mellor para o 2013 e, como non, dentro de o mellor non poden faltar os libros.  Aquí vos deixamos as nosas recomendacións.

                         

E aquí  as fotos do noso Mercado de Nadal. Todo un éxito!. Grazas a tod@s  pola vosa participación.

                           

Un pouco de humor tecnolóxico

Celso Emilio, cen anos despois

A Coordinadora Galega de Equipos de Normalización e Dinamización Lingüística (CGENDL) propuxo facer un recitado de poemas de Celso Emilio Ferreiro para  renderlle un homenaxe no centenario do seu nacemento.Se queredes sumarvos a esta iniciativa, aquí tedes os seus Poemarios .

Se entrades na páxina da Coordinadora, poderedes ver o que fixeron outros institutos.

Premio Cervantes a José Manuel Caballero Bonald

O premio Cervantes 2012 ven de ser concedido ó escritor Caballero Bonald como recoñecemento á súa obra literaria como narrador, ensaísta e poeta. Todos os medios de comunicación fanse eco hoxe deste premio ó escritor xerezano que dixo ter en Cervantes o seu mestre.
Entra na páxina da súa obra e accede a moitos dos seus poemas.

Entra la noche como un trueno...

Entra la noche como un trueno
por los rompientes de la vida,
recorre salas de hospitales,
habitaciones de prostíbulos,
templos, alcobas, celdas, chozas,
y en los rincones de la boca
entra también la noche.

Entra la noche como un bulto
de mar vacío y de caverna,
se va esparciendo por los bordes
del alcohol y del insomnio,
lame las manos del enfermo
y el corazón de los cautivos,
y en la blancura de las páginas
entra también la noche.

Entra la noche como un vértigo
por la ciudad desprevenida,
rasga las sábanas más tristes,
repta detrás de los cobardes,
ciega la cal y los cuchillos
y en el fragor de las palabras
entra también la noche.

Entra la noche como un grito
por el silencio de los muros,
propaga espantos y vigilias,
late en lo hondo de las piedras,
abre los últimos boquetes
entre los cuerpos que se aman,
y en el papel emborronado
entra también la noche.

Contra a violencia machista

Coma outros cursos, o 25 de novembro lembramos ás mulleres que durante o último ano sufriron violencia por parte de homes que as consideraban obxectos da súa pertenza. É unha lacra dunha sociedade que moitas veces educa ós homes na crenza de que a muller é un ser inferior , sometido e obrigado a acatar ordes, veñan de pais, irmáns ou parellas. 

Distintos estratos sociais, distintos países... pero o mesmo feito, día tras día, ano tras ano...

Chegan os cogumelos!!!

No noso instituto pode verse nada máis entrar, o traballo que os alumnos e o profesor de Ciencias Sociais levaron a cabo para explicar as características dos cogumelos tan variados que podemos atopar na nosa terra. Non so aparecen debuxos que identifican as distintas especies, senon moitos exemplares aportados polos membros da comunidade educativa e que  poden ser contemplados ... até que podrezan. Ides agardar a que isto ocorra?
A exposición é para todos e todas. Achegádevos

Presentación de Tonas de Laranxa

O venres 18 tivo lugar no Auditorio de Padrón a presentación do libro gañador do Premio Xerais de novela 2012. Os dous autores, María Lorenzo Miguens e Manuel Lorenzo Baleirón, acompañados polo director  da editorial, Manuel Bragado  e polo escritor Anxo Angueira, expuxeron al liñas xerais da súa obra nun local ateigado de compañeiros, amigos, veciños e autoridades, entre estas últimas o Presidente da Real Academia Galega, Xosé Luis Méndez Ferrín.

O club de lectura medra

Estamos de noraboa. As alumnas do club de lectura que agora cursan 1º de bacharelato van incorporarse ós clubs de lectura dos pequenos para facer a función de monitoras e axudar ás coordinadoras na súa actividade. Na primeira reunión asistirán como colaboradoras e próximamente collerán cada unha un grupiño de lectores para falar con eles dun dos libros que elas leron no seu día.
Esperamos que disfruten co seu traballo de ensinar tanto como o fixeron co de aprender.
Moita sorte coa nova empresa! E lembrade que temos para vós outras actividades nas que axiña poderedes mergullarvos.
E moitas grazas, por adiantado, por parte do equipo da biblioteca porque estamos desbordados co número de alumnos e alumnas que forman parte este ano de Liñas de fuga.

Exposición 10 anos do Prestixe

A biblioteca quere ensinar aos máis pequenos o que foi o afundimento do petroleiro Prestixe que causou nas costas galegas a maior catástrofe ecolóxica que se recorda. Para isto, promove unha actividade con fotografías, documentos visuais , libros... que lembran ós maiores e ensinan aos pequenos o que foi e o que non debería ser nunca máis.
Se asististes á actividade , poderás contestar estas tres preguntas:
1. Que datos tiñas ti sobre a catástrofe do Prestige antes de realizar esta actividade?
2. Coñeces a alguén na túa contorna que tivese colaborado na recuperación das nosas costas?
3. Cres que hoxe se podería volver a producir unha catástrofe como a que aconteceu hai 10 anos?
Anímate a deixar a túa opinión. Podes contestar cun so texto ou cunha resposta para cada pregunta.

I Concurso de postais de Nadal

Participa no 1º concurso de Postais para felicitar o Nadal!
Haberá dúas categorías:
-Categoría A: Debuxo (tamaño: a medade dun folio)
-Categoría B: Breve texto literario en galego (prosa ou poesía)
Non esquezas entregar o teu traballo na biblioteca nun sobre pechado coa indicación "Concurso de postais de Nadal , categoría A ou B" escrito por fóra. No interior do sobre incluirase unha tarxeta co nome, apelidos e curso do autor ou autora.
Recorda que tes ata o día 30 de novembro para presentar os teus traballos.
Se tes algunha dúbida , fala coa subdirectora ou con calquera membro da biblioteca.

Reunión do club de lectura

Liñas de fuga reunirase o próximo 21 de novembro no segundo recreo para falar do primeiro libro do curso (club de iniciación): A pantasma de Canterville, de Oscar Wilde. Se pulsas no título, poderás acceder ó texto íntegro da obra.

Anorexia

Liñas de fuga ven de rematar o primeiro libro do curso, Marta ante o espello, de Teresa Calo Fontán    , que trata o tema da anorexia. Esperamos que deixedes un comentario sobre o que pensades desta enfermidade. Neste vídeo terás un pouco máis de información.

A anorexia e a bulimia                                www.dietas.com