Lecturas de 1 minuto

                                                                                                                                                                            

   Abril é un mes bonito. Ás veces chove, pero non sempre. En todo caso, gostamos da chuvia, así é

   que o noso equipo da biblioteca tira cara a adiante, á marxe das condicións meteorolóxicas.
   Como diría Galeano hai que intentar a utopía, porque, malia non a acadar nunca totalmente, esa
   tendencia de pretendermos un obxectivo difícil contribúe á nosa mellora.

    Isto de "estar en la llama" -eis a expresión que adoitamos empregar para facer referencia á nosa loita
    neste espazo educativo- gústanos, porque xera enerxía para facer cousas diferentes. Neste mes de
    abril, de feito, levamos a cabo varias ben chulas. Obradoiros de Poesía, Lecturas nos recreos...
    Velaquí a nosa favorita: AUTORAS DUN MINUTO

                                                "AUTORAS DUN MINUTO".

   Esta actividade consistía nunha lectura dun texto dalgunha escritora, poeta ou filósofa. Léronse
   pois poemas de Emily Dickinson, Gloria Fuertes, Safo, Ernestina de Champourcín, fragmentos
   de Simone Beauvoir, Despentes ou Hannah Arendt. Tamén fragmentos de Virginia
   Woolf ou Belén Copegui, entre tantas outras. Iso si, fixemos fincapé nas nosas poetas galegas,
   certamente brillantes e luminosas. Recitamos xa que logo poemas de Celia Parra, Alba Cid,
   Arancha Nogueira, Yolanda López, Yolanda Castaño, Lupe Gómez, Olga Novo,
   XELA ARIAS, Ana Romaní, Xiana Arias, MDC -que xa estivo con nós polo skype-,
   María Reimóndez, Berta Dávila, Estíbaliz Espinosa, Olalla Cociña e moitas máis.

  Foi emocionante para nós ver a nosa biblioteca OKUPADA polo alumnado, que, moi
  xenerosamente, cedeu parte do seu tempo de lecer para contribuír ao
  desenvolvemento desta nosa actividade, que se sitúa  na liña do Proxecto Ágora, presentado
  en claustro de xuño, no 2017 .

   Queremos agradecer á Dirección do centro o apoio incondicional que nos brindou para levar á práctica esta actividade, un apoio que se materializou na participación explícita de seu. Estamos moi ledas entón de que Chicho, MERCEDES e Severino depositasen a súa confianza en nós e lesen tamén algún texto. Chicho leu sobre a vida de Madame Curie, unha científica extraordinaria e Mercedes leu un fragmento ben interesante de Elsa Punset sobre a  intelixencia emocional, non sempre ben traballada, malia ser imprescindíbel para mantermos relacións sás. Severino leu un anaco da biografía de Catalina la Grande.

  Lourdes e máis eu procuramos sempre ver o lado positivo das cousas, porque nos gusta CONSTRUÍR, PARTICIPAR, COLABORAR e DAR APOIO ás compañeiras, que, coma nós, acreditan nun sistema educativo INTEGRADOR, INCLUSIVO e POROSO.

 Facemos tamén explícito o noso agradecemento ás compañeiras que non se limitaron

 a observar senón que colaboraron en todo, botando sempre unha man para que todo fluíse.

   Balance positivo!!!

Venres (2º recreo) - Lecturas dun minuto

Pablo Neruda (1904-1973)

 POEMA 20

PUEDO escribir los versos más tristes esta noche.

Escribir, por ejemplo: "La noche está estrellada, 

y tiritan, azules, los astros, a lo lejos".

El viento de la noche gira en el cielo y canta.

Puedo escribir los versos más tristes esta noche. 

Yo la quise, y a veces ella también me quiso.

En las noches como ésta la tuve entre mis brazos.

La besé tantas veces bajo el cielo infinito (...)

Pablo Neruda, Veinte poemas de amor y una canción desesperada.

LECTURAS DUN MINUTO

A actividade foi todo un éxito de participación, por iso, o venres, tivemos que ampliar a lectura ao segundo recreo para poder escoitar a todo o alumnado e profesorado que se implicou co Equipo da Biblioteca.

Despois de disfrutar de William Shakespeare no 1º recreo, escoitáronse poemas de Xosé Luís Méndez Ferrín, de Federico García Lorca, de José de Espronceda e de Pablo Neruda. Non faltou a novela, Sonia e Ángela leron o comenzo de Crónica de una muerte anunciada; nin o teatro, Estela e Joel leron unha escena de La zapatera prodigiosa. Nuria, a profesora de ximnasia, aportou a parte máis emotiva lendo un texto titulado Valgo, que nos convida a que disfrutemos cada día intensamente da vida.

Sonia e Ángela

José Manuel e Ana Villaverde

Nerea 1º ESO C

Estela e Joel 1º ESO B

Nuria

Rematamos as sesións coa intervención  da nosa poeta e coordinadora da Biblioteca, Rosa Enríquez (deleitounos co poema 20 de Pablo Neruda , un poeta "inmenso", como ela mesmo o definiu).

Rosa Enríquez

ESCRIBO PARA NON MORRER PORQUE AS PALABRAS

non queren esluír na boca. desexan ser pronunciadas

aquí.

ti sempre dicías que puxese a alma enteira no que digo.

que difícil pensei. refírome a iso de poñer a alma.

e se a alma é só aquilo que nace da boca de dous?

non é bo que pense tanto as cousas. case mellor abandonarse. (...)

HISTORIA DO MEU CORPO EN LABARADAS

O Equipo da Biblioteca agradece a todo o alumnado e profesorado implicado, tanto na lectura coma na súa presenza durante toda a semana, a colaboración para que esta actividade fora tan exitosa.

Grazas mil!!!

Xoves - Lecturas dun minuto

Fernando Pessoa (1888-1935)

Começo a conhecer-me. Não existo.

Sou o intervalo entre o que desejo ser e os outros me fizeram,

Ou metade desse intervalo, porque também há vida...

Sou isso, enfim...

Apague a luz, feche a porta e deixe de ter barulho de chinelas no corredor.

Fique eu no quarto só com o grande sossego de mim mesmo.

É um universo barato.

Álvaro de Campos (heterónimo de Fernando Pessoa)

                                             LECTURAS DUN MINUTO

Tivemos hoxe a nosa cuarta xornada de Lecturas dun minuto. Deu comezo á actividade a profesora de Lingua Castelá, Sonia Iglesias, cun texto de Lorca. Puxo pois o nivel moi alto! Seguimos con Miguel Hernández, Salinas, Dieste, Castelao, Ferrín...

Agradecemos ao noso alumnado a participación nestes encontros literarios, que consideramos moi interesantes para toda a comunidade educativa. Isto inclúe a algunhas profesoras asiduas, que estiveron TODOS OS RECREOS dando apoio ao alumnado participante e animándoo en todo momento.

Para elas vai o noso máis sinceiro agradecemento.

 De todo o Equipo de Biblioteca

Alba e Ángela

Alexandra e Sonia

Sara e José Manuel

Carmen e Lucía

Raquel e Silvia

Enmanuel e Claudia

Paz e Palmira

Mércores - Lecturas dun minuto

Vivamus, mea Lesbia, atque amemus,

rumoresque senum severiorum

omnes unius aestimemus  assis.

Soles occidere et redire possunt:

nobis, cum semel occidit brevis lux,

nox est pepertua una dormienda.

Catulo (87 a C- 57 a. C)

Emocionante a sesión de hoxe! Demos paso ás lecturas cun poema de Catulo e continuamos co capítulo IX de Le petit Prince, a novela de Exupéry. Fíxose esta lectura en francés, portugués, castelán e galego. Despois seguimos cun fragmento de La théorie King kong, da feminista punki Virginie Despentes, algúns poemas de Lois Pereiro, etc.

Valeria e Cristina

Antón e Alejandra

Alba e Carlota

Aldara e Sara

Martes - lecturas dun minuto

                                                                            Roland BARTHES (1915-1980)

                                 

 Discrédité par l'opinion moderne, la sentimentalité de l'amour doit être assumée par le sujet amoureux comme une transgression forte qui le laisse seul et exposé ; par un renversement de valeurs, c'est donc cette sentimentalité qui fait aujourd'hui l'obscène de l'amour.

Roland BARTHES, "Fragments d' un discours amoureux"

 Desacreditada pola opinión moderna, a sentimentalidade do amor ten de ser asumida polo suxeito amoroso coma unha forte transgresión, que o deixa só e exposto; por unha inversión de valores, é pois esta sentimentalidade o que constitúe hoxe o obsceno do amor.

(Tradución)

                                       LECTURAS DUN MINUTO

O coronel non ten quen lle escriba, dixo Damian. Creo era un tipo diferente, alguén solitario. De feito, dicíanlle O lobo estepario, e, sempre sempre sempre, dende aquela altura, xusto no cumio d' A Montaña máxica, experimentaba De profundis, todo o saber daquela morea de xente. Vuelva usted mañana, e despois cante, cante ese Canto a Teresa, pronuncie un amor altísimo, diga o de que imos vivir en los pronombres. Acéptese iso de que La voz a ti debida é un pouco a que nos rouban algunhas veces.

A voz da boca:  esa que muere en tus ojos, que son, niña, verdes como el mar te quejas....

Entregámoslle ao noso alumnado este fío que agroma nas miradas limpas que tanto agradecemos cando veñen ler eses textos deliciosos de Espronceda, Aleksander Pushkin, Pessoa, Ferrín, Celso Emilio..

Lúa

Rocío

Roi e Natalia

Martín e Carme

Rodrigo e Sabela

Lidia e Miguel Ánxel

TROCO DE LIBROS

 Animádevos a participar nesta interesante iniciativa do Equipo da Biblioteca!!

LUNS - LECTURAS DUN MINUTO

Neste luns, 23 de abril, iniciamos na Biblioteca as nosas LECTURAS DUN MINUTO

A profesora de Lingua Castelá, Lourdes Lema, deu comezo a estas sesións, acompañada do alumno de 4º ESO, José Cerqueiras, co fragmento inicial de Don Quijote.

A partir de aí, seguiron outros textos ben interesantes, extraídos por exemplo de novelas fascinantes como La Regenta, de Clarín, ou  Frankenstein o el Prometeo moderno, de Mary Shilley.

Continuaremos con estas sesións ao longo da semana, no primeiro recreo. A intención non é outra que lle render unha modesta homenaxe á literatura universal, que pon de manifesto a capacidade humana de xerar coñecemento e beleza.

José

Araceli e Candela

Candela e Julia

Carlota e Nerea

Catuxa e Paola

Lecturas de 1 minuto - Día do libro 2018

Día mundial do Libro 2018

        Achégase o Día Mundial do Libro e dos Dereitos de Autor e desde a Consellería de Cultura, Educación e Ordenación Universitaria edítase o díptico para conmemorar este día 23 de abril de 2018.

        Acudiuse, como en anos anteriores a unha persoa referente da literatura galega actual, neste caso ao escritor, poeta e editor Fran Alonso, quen xenerosamente cedeu un texto para esta pequena peza de difusión do Día do Libro, centrándose nas posibilidades e nos efectos da lectura.